ریت بھری ہے ان آنکھوں میں آنسو سے تم دھو لینا

کوئی سوکھا پیڑ ملے تو اس سے لپٹ کے رو لینا

اس کے بعد بہت تنہا ہو جیسے جنگل کا رستہ

جو بھی تم سے پیار سے بولے ساتھ اسی کے ہو لینا

کچھ تو ریت کی پیاس بجھاؤ جنم جنم کی پیاسی ہے

ساحل پر چلنے سے پہلے اپنے پاؤں بھگو لینا

میں نے دریا سے سیکھی ہے پانی کی یہ پردہ داری

اوپر اوپر ہنستے رہنا گہرائی میں رو لینا

روتے کیوں ہو دل والوں کی قسمت ایسی ہوتی ہے

ساری رات یوں ہی جاگو گے دن نکلے تو سو لینا

بشیر بدر

زبان و ادب کے مشہور شاعر سید محمد بشیر، بشیر بدر کے نام سے مشہور ہیں۔ان کی پیدائش 15 فروری 1935 میں، بھارت کی ریاست اتر پردیش کے شہر کانپور میں ہوئی۔ انہوں نے اعلیٰ تعلیم علی گڑھ مسلم یونیورسٹی حاصل کی۔ اپنی تعلیم اور ملازمت کے دوران علی گڑھ مسلم یونیورسٹی میں مقیم رہے۔ پھر دہلی میں سکونت اختیار کی گھر میں آگ لگنے کے سبب شہر بھوپال منتقل ہو گئے۔ فی الحال بھوپال ہی میں مقیم ہیں۔بشیر بدر نے تقریباً ساٹھ برس مشاعروں کے ذریعے پوری دنیا میں حکمرانی کی۔ اُنہیں 1999ءمیں بھارت کا سب سے بڑا ایوارڈ 'پدما شری' دیا گیا۔ 1999ءمیں ان کی شاعری پر ساہیتہ اکادمی نے انہیں ایوارڈ سے نوازا۔

ریت بھری ہے ان آنکھوں میں آنسو سے تم دھو لینا

More poems from same author

Unlock the Power of Language & AI

Lughaat

Spell Checker

OCR