یہ چراغ بے نظر ہے یہ ستارہ بے زباں ہے

ابھی تجھ سے ملتا جلتا کوئی دوسرا کہاں ہے

وہی شخص جس پہ اپنے دل و جاں نثار کر دوں

وہ اگر خفا نہیں ہے تو ضرور بد گماں ہے

کبھی پا کے تجھ کو کھونا کبھی کھو کے تجھ کو پانا

یہ جنم جنم کا رشتہ ترے میرے درمیاں ہے

مرے ساتھ چلنے والے تجھے کیا ملا سفر میں

وہی دکھ بھری زمیں ہے وہی غم کا آسماں ہے

میں اسی گماں میں برسوں بڑا مطمئن رہا ہوں

ترا جسم بے تغیر مرا پیار جاوداں ہے

انہیں راستوں نے جن پر کبھی تم تھے ساتھ میرے

مجھے روک روک پوچھا ترا ہم سفر کہاں ہے

بشیر بدر

زبان و ادب کے مشہور شاعر سید محمد بشیر، بشیر بدر کے نام سے مشہور ہیں۔ان کی پیدائش 15 فروری 1935 میں، بھارت کی ریاست اتر پردیش کے شہر کانپور میں ہوئی۔ انہوں نے اعلیٰ تعلیم علی گڑھ مسلم یونیورسٹی حاصل کی۔ اپنی تعلیم اور ملازمت کے دوران علی گڑھ مسلم یونیورسٹی میں مقیم رہے۔ پھر دہلی میں سکونت اختیار کی گھر میں آگ لگنے کے سبب شہر بھوپال منتقل ہو گئے۔ فی الحال بھوپال ہی میں مقیم ہیں۔بشیر بدر نے تقریباً ساٹھ برس مشاعروں کے ذریعے پوری دنیا میں حکمرانی کی۔ اُنہیں 1999ءمیں بھارت کا سب سے بڑا ایوارڈ 'پدما شری' دیا گیا۔ 1999ءمیں ان کی شاعری پر ساہیتہ اکادمی نے انہیں ایوارڈ سے نوازا۔

یہ چراغ بے نظر ہے یہ ستارہ بے زباں ہے

More poems from same author

Unlock the Power of Language & AI

Lughaat

Spell Checker

OCR