وہی تاج ہے وہی تخت ہے وہی زہر ہے وہی جام ہے

یہ وہی خدا کی زمین ہے یہ وہی بتوں کا نظام ہے

بڑے شوق سے مرا گھر جلا کوئی آنچ تجھ پہ نہ آئے گی

یہ زباں کسی نے خرید لی یہ قلم کسی کا غلام ہے

یہاں ایک بچے کے خون سے جو لکھا ہوا ہے اسے پڑھیں

ترا کیرتن ابھی پاپ ہے ابھی میرا سجدہ حرام ہے

میں یہ مانتا ہوں مرے دئیے تری آندھیوں نے بجھا دئیے

مگر ایک جگنو ہواؤں میں ابھی روشنی کا امام ہے

مرے فکر و فن تری انجمن نہ عروج تھا نہ زوال ہے

مرے لب پہ تیرا ہی نام تھا مرے لب پہ تیرا ہی نام ہے

بشیر بدر

زبان و ادب کے مشہور شاعر سید محمد بشیر، بشیر بدر کے نام سے مشہور ہیں۔ان کی پیدائش 15 فروری 1935 میں، بھارت کی ریاست اتر پردیش کے شہر کانپور میں ہوئی۔ انہوں نے اعلیٰ تعلیم علی گڑھ مسلم یونیورسٹی حاصل کی۔ اپنی تعلیم اور ملازمت کے دوران علی گڑھ مسلم یونیورسٹی میں مقیم رہے۔ پھر دہلی میں سکونت اختیار کی گھر میں آگ لگنے کے سبب شہر بھوپال منتقل ہو گئے۔ فی الحال بھوپال ہی میں مقیم ہیں۔بشیر بدر نے تقریباً ساٹھ برس مشاعروں کے ذریعے پوری دنیا میں حکمرانی کی۔ اُنہیں 1999ءمیں بھارت کا سب سے بڑا ایوارڈ 'پدما شری' دیا گیا۔ 1999ءمیں ان کی شاعری پر ساہیتہ اکادمی نے انہیں ایوارڈ سے نوازا۔

وہی تاج ہے وہی تخت ہے وہی زہر ہے وہی جام ہے

More poems from same author

Unlock the Power of Language & AI

Lughaat

Spell Checker

OCR