چراغوں کا گھرانا چل رہا ہے

چراغوں کا گھرانا چل رہا ہے ہوا سے دوستانہ چل رہا ہے جوانی کی ہوائیں چل رہی ہیں بزرگوں کا خزانہ چل رہا ہے مری گم گشتگی پر ہنسنے والو مرے پیچھے زمانہ چل رہا ہے ابھی ہم زندگی سے مل نہ پائے تعارف غائبانہ چل رہا ہے نئے کردار آتے جا رہے ہیں مگر ناٹک پرانا چل رہا ہے وہی دنیا وہی سانسیں وہی ہم وہی سب کچھ پرانا چل رہا ہے زیادہ کیا توقع ہو غزل سے میاں بس آب و دانہ چل رہا ہے سمندر سے کسی دن پھر ملیں گے ابھی پینا پلانا چل رہا ہے وہی محشر وہی ملنے کا وعدہ وہی بوڑھا بہانا چل رہا ہے یہاں اک مدرسہ ہوتا تھا پہلے مگر اب کارخانہ چل رہا ہے

راحت اندوری

View profile

راحت اندوری ( پیدائش : 1 جنوری 1950ء، وفات: 11 اگست 2020ء) ایک بھارتی اردو شاعر اور ہندی فلموں کے نغمہ نگار تھے۔ وہ دیوی اہليہ یونیورسٹی اندور میں اردو ادب کے پروفیسر بھی رہے۔ انھوں نے کئی بھارتی ٹیلی ویژن شو بھی کیے۔ راحت صاحب کی ابتدائی تعلیم نوتن اسکول اندور میں ہوئی۔ انھوں نے اسلامیہ كريميہ کالج اندور سے 1973ء میں اپنی بیچلر کی تعلیم مکمل کی۔ اس کے بعد 1975ء میں راحت اندوری نے بركت اللہ یونیورسٹی، بھوپال سے اردو ادب میں ایم اے کیا۔ اپنی اعلیٰ ترین تعلیمی سند کے لیے 1985ء میں انھوں نے مدھیہ پردیش کے مدھیہ پردیش بھوج اوپن یونیورسٹی سے اردو ادب میں پی ایچ ڈی کی ڈگری حاصل کی۔ راحت اندوری کا انتقال 11 اگست 2020ء بروز منگل راحت آ دوری صاحب اس جہانِ فانی سے رخصت ہوئے- راحت صاحب کا ایک ہی شعری مجموعہ ہے جو (کلام) کے نام سے ہندوستان اور پاکستان میں شائع ہوا.

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR