منو بحالنه احنه المساكين
احنه المحد النه المدري امنين
ومن يسأل علينه لمن نغيب
حتى لو غياب يطول اسنين
خلصنه عمرنه بالمحطات
سفر وبيوتنه اسطوح الفراكين
مرسومه بجلدنه ذيج الانياب
الجرح لو طاب هم يترك نياشين
وين اهلي علي مادكو الباب
تره صحتي عليله وكلبي مو زين
من اهل الله بعدنه وناس طيبين
مكتوب بجناسينه غريبين
خسارتنه جبيره وغشمه عالسوك
بعنه اعقولنه بسوك المجانين
من يستاهلج يادمعة العين
مسكين اليداين دمعة العين
تمنينه نموت بغير تعذيب
وعله المذبح يطغنه صارله اسنين
فض الازدحام وطشت الناس
وما كدامنه بس واحد اثنين
يوصلنه السره ويتاجل الموت
يم اركابنه وتعمه السجاجين
كاظم إسماعيل الكاطع