گل گشت کی ہوس تھی سو تو بگیر آئے

گل گشت کی ہوس تھی سو تو بگیر آئے آئے جو ہم چمن میں ہوکر اسیر آئے فرصت میں یک نفس کی کیا درد دل سنوگے آئے تو تم ولیکن وقت اخیر آئے دلی میں اب کے آکر ان یاروں کو نہ دیکھا کچھ وے گئے شتابی کچھ ہم بھی دیر آئے کیا خوبی اس چمن کی موقوف ہے کسو پر گل گر گئے عدم کو مکھڑے نظیر آئے شکوہ نہیں جو اس کو پروا نہ ہو ہماری دروازے جس کے ہم سے کتنے فقیر آئے عمر دراز کیونکر مختار خضر ہے یاں ایک آدھ دن میں ہم تو جینے سے سیر آئے نزدیک تھی قفس میں پرواز روح اپنی غنچے ہو گلبنوں پر جب ہم صفیر آئے یوں بیٹھے بیٹھے ناگہ گردن لگے ہلانے سر شیخ جی کے گویا مجلس میں پیر آئے قامت خمیدہ اپنی جیسے کماں تھی لیکن قرباں گہ وفا میں مانند تیر آئے بن جی دیے نہیں ہے امکان یاں سے جانا بسمل گہ جہاں میں اب ہم تو میر آئے

میر تقی میر

View profile

خدائے سخن، سرتاج شاعر، میر تقی میر کا اصل نام میر محمد تقی اور میر ان کا تخلص تھا۔ میر تقی میر، آگرہ میں 1723ء میں پیدا ہوئے۔ میر کا زمانہ شورشوں اور فتنہ و فساد کا زمانہ تھا۔ ہر طرف تنگدستی و مشکلات برداشت کرنے کے بعد بالآخر میر گوشہ عافیت کی تلاش میں لکھنؤ روانہ ہو گئے۔ اور سفر کی صعوبتوں کے بعد لکھنؤ پہنچے۔ وہاں ان کی شاعری کی دھوم مچ گئی۔ نواب آصف الدولہ نے تین سو روپے ماہوار وظیفہ مقرر کر دیا۔ اور میر آرام سے زندگی بسر کرنے لگے۔ لیکن تند مزاجی کی وجہ سے کسی بات پر ناراض ہو کر دربار سے الگ ہو گئے۔ آخری تین سالوں میں جوان بیٹی او ر بیوی کے انتقال نے صدمات میں اور اضافہ کر دیا۔ آخر اقلیم سخن کا یہ حرماں نصیب شہنشاہ 87 سال کی عمر پا کر 1810ء میں لکھنؤ کی آغوش میں ہمیشہ کے لیے سو گیا۔ مت سہل ہمیں جانو پھرتا ہے فلک برسوں تب خاک کے پردے سے انسان نکلتے ہیں

Unlock the Power of Language & AI

Benefit from dictionaries, spell checkers, and character recognizers. A revolutionary step for students, teachers, researchers, and professionals from various fields and industries.

Lughaat

Empower the academic and research process through various Pakistani and international dictionaries.

Explore

Spell Checker

Detect and correct spelling mistakes across multiple languages.

Try Now

OCR

Convert images to editable text using advanced OCR technology.

Use OCR